Friday, March 21, 2008

لـســـه فـاكـــــــــر


بيقولولى لسة فاكر ..... هى نسيت من زمان

قلت قلبى معدش قادر ..... ينسى حبه مهما كان

ده لسة الفراق معرفش يكسرنى

مهما السنين حولت تغيرنى

حاسس هواها بيملى دنيايا

مهما ادارى واخبى جوايا

بيقولولى حرام عليا ..... قلبى بعد فراقها داب

لو يحسوا باللى فيا ..... يعرفوا ايه العذاب

ده لسة هواها مغبش يوم عنى

عايش معاها ولسة مستنى

يمكن اكون عايش فى احلامى

لكن تملى شيفها قدامى

28 comments:

Anonymous said...

انا ليا الشرف اني اكون اول تعليق ويارب اصحاب حدوته القدام يفتكروني المهم عايزا اقولك انك انسان حساس قوي ووبسيط وعسل خالص واللي يحب عمره ماينسي وربنا مايحرمنا من كلامك اللي يدخل القلب واحلي حاجه فيك ان كل كلمه بتكتبها كانك بتوصف احساسنا ومشاعرنا
جامدين مووووووت يااسكندرانيه
سنيوريتا

حـــــدوتـــــة said...

سنيوريتا
والله واحشنى تعليقك
بعدين احنا منقدرش ننساكى ده انتى من اول الناس اللى دخلت على المدونه بس يمكن انتى اللى نسيتينا شويه

وبلاش الكلام الكبير دة احسن اتغر ومتعرفيش تكلمينى بعد كده
طول عمرك ذوق ومجاملة ويا رب يكون الكلام فعلا عجبك
اتمنى اشوفك على طول فى المدونة ويا ريت متنسيناش تانى
سلالالالالالالالالالالالالالالالام

إنسان || Human said...

يمكن أكون عايش في أحلامي
كلماتك فعلاً رقيقة وواضح إن هيا نتاج تجربة قاسية
أتمنى التعافي ...لأن حياة الأحلام مش كويسة

Esraa Hamed said...

حلوة اوييييييي الكلمات دي
و حساها تنفع تبقي اغنية كمان
بجد رااائعة
تحياتي

حـــــدوتـــــة said...

human
شكرا على ذوقك
بس ساعات كتير الحقيقة بتوجع اوى
والحل انك تهرب الى حياة الاحلام
منور البلوج
سلالالالالالالالالالالام

حـــــدوتـــــة said...

esraa hamed
شكرا على كلامك وكلك ذوق
وهى فعلا اغنية انا بكتب شعر غنائى
وكل اللى بكتبه فى المدونة اغانى وليها الحان عندى بس انا بس اللى بغنيها
عشان بحب النكد
سلالالالالالالالالالالالالالالام

Abo 7anf said...

السلام عليكم دى اول زياره ليا
احلى ما فى الكلمات انها وبرغم انها مش كتير
إلا أنها وصلت الرساله
دا لأنها خارجه من القلب والاحساس فيها عالى
فوصلت

wael said...

خليك دايما شايفها هو ده الحل للوحيد للوصول اليها

حـــــدوتـــــة said...

abo 7anf
منور المدونة يا باشا
بالرغم انك زملكاوى ذى ابويا
شكرا على ذوقك
ويا رب متكنش مجاملة
سلالالالالالالالالالالالالالالالالالالالالام

حـــــدوتـــــة said...

wael
يمكن كلامك يكون مظبوط
نورت يا معلم
سلالالالالالالالالالالام

شبــ اون لاين ـــاب said...

كلام ولا احلى ولا اروع ولا اجمل


انا بجد الكلام وصلنى بسرعه
كلام من القلب اكيد لانه وصل للقلب بسرعه

حـــــدوتـــــة said...

ِشباب اون لين
منور المدونة
شكرا على ذوقك وكلامك الجميل
ويا ريت متكنش اخر زيارة
سلالالالالالالالالالالالالالالالالالام

رصيف نمره خمســــــه said...

لسه فاكر قلبى يديلك امان ولا فاكر
هيفتكر ايه ولا ايه الله يكون فى عونه برده

ايووووووووووووووووووووووووه

كلامك جميل اوى دى اول مرة ادخل مدونتك وهاجى على طول

حـــــدوتـــــة said...

رصيف نمرة خمسة
نورتى المدونة
وتشرفينى فى اى وقت
وشكرا على كلامك
سلالالالالالالالالالام

عصفورة من الشرق said...

اللى ينساك انساه واللى يهواك اهواه
وبعدين مالك ومال سيد بتاعى

Dalia said...

جميله اوى يا حدوته
اصعب حاجه ان الواحد يفتكر حد ناسيه

rommantic said...

جميل ان نكتب اللى حاسينه
وواضح انك حاسه كلامك جدا وده خلى الكلام يوصل بالصوره الرائعه دى سلام

حـــــدوتـــــة said...

عصفورة من الشرق
يا سيتى انتى وسيد على راسى من فوق
بس متزعليش نفسك

لو الموضوع سهل كده مكنش حد غلب
ولا ايه
سلالالالالالالالالالام

حـــــدوتـــــة said...

dalia
والاصعب انه يعرف ان اللى ناسيه ده
مش ناسيه بس مينفعش يرجع
بس مين يفهم ومين يحس
سلالالالالالالالالالالالالالام

حـــــدوتـــــة said...

rommantic
اول زيارة منورة المدونة
شكرا على كلماتك الرقيقة
ويا رب متكنش مجاملة
فعلا اللى خارج من القلب بيوصل بسرعة
سلالالالالالالالالالالالالالالام

مدحت محمد said...

رائعة بجد
ماشاء الله عليك
انا والله كنت شاكك انها اغنية اتغنت من روعة الكلمات

حـــــدوتـــــة said...

مدحت محمد
ربنا يخليك طول عمرك ذوق
وديما رافع معنوياتى
هى فعلا اغنية وواحد زميلى ملحنها وكل اللى بكتبه فى المدونه اغانى من كلماتى وليها الحان
وكل ما اعوز انكد على نفسى اغنيها
فقلت انكد عليكوا معايا
واعتقد انى ناجح فى ده لحد دلوقتى

Esraa Hamed said...

بقالك كتييييير اويييييي مش نزلت حاجة جديدة يا حدوتة

ان شاء الله تكون خبير
و في انتظار جديدك ان شاء الله

Sara said...

انا محبتش على اول بوست غير لما اقرا بقيت المدونة
ليه جو الحزن العام ده ؟؟؟ سؤال يطرح نفسه

تحياتي

حـــــدوتـــــة said...

esraa hamed
انا بخير والحمد لله
مبحبش انزل اغانى كتيرة عشان محدش يزهق منى
خصوصا ان اغلب كلامى نكد ذى ما انتى عارفة
فحرام انكد عليكوا انتوا ملكوش ذنب
بس هكتب حاجة جديدة قريب انشاء الله
سلالالالالالالالالالالالالالالام

حـــــدوتـــــة said...

sara
منورة المدونة ويا رب تكون عجبتك
عندك حق يمكن يكون الجو العام حزين
وده لكذا سبب
اولا انا شخص حزين بطبيعتى
ثانيا انا بقالى فترة الدنيا ملخبطة معايا
ثالثا حتى لو انا شخص عادى فالجو العام بتاع البلد كلها بقة حزين وكأيب كمان
سلالالالالالالالالالالالالالالالام

رندا said...

كلماتك جميلة قوى
انت طلعت حدوتة صحيح
عارف ممكن تتغنى

تحياتى

رندا

قلب شاعره said...

الله ايه الكلام الجامد ده
كلماتك رائعه تسلم ايدك
ومدونتك كلها رائعه بجد مش عارفه اعلق على ايه ولا ايه ...