Friday, April 25, 2008

انــــا و هـــــــى


انا وهى اتقابلنا بعد ما مرت سنين

معرفش انا اية جرالى ساعتها ورحت فين

قلت لقلبى بلاش وكأنى مشفتهاش

لحد ما قربتلى وبقه بينا خطوتين

انا قلت مش هسلم وافضل واقف مكانى

انا اللى يبعنى مرة عمرى ما اسامحه تانى

شورتلى من بعيد شفتنى اه اكيد

ضحكت خلتلى قلبى يحن فى ثانيتين

قلبى قالى ما يمكن انت ظلمتها

والبعد اللى ما بينا كان غصب عنها

قبل ما افكر مشيت وعليها بصوت نديت

قلتلها انا قلبى بعدك كان دايب من الحنين

سلمت بشوق عليها اصلى مش قادر

قولتلها انا كنت عارف البعد ليه اخر

وحشتنى ضحكتك وحشتنى نظرتك

البعد طال ما بينا وانا كنت فيه حزين

قالتلى لا سمحنى خلاص مبقتش ليك

انا بس لما شفتك قولت اطمن عليك

انت استعجلت ليه مش ذنبى اللى انت فيه

وذى ما جرحتنى مره جرحتنى مرتين

انا وهى اتقابلنا بعد ما مرت سنين

43 comments:

نانا said...

الله عليك


ومزيد من التقدم


تحياتي

سى عمرو said...

روووووووووووووووووووعة

Whispers just for a Night said...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً

Esraa Hamed said...

جميلة جدااااا يا حدوتة بجد



دمت بتألق

حــدوتـــة said...

نانا
اول زيارة منورة المدونة
شكرا على ذوقك
سلالالالالالالالالالالالالالالالالام

حــدوتـــة said...

عمرو
اى خدمة يا عمورة
شيد حيلك انت ولحن وسمعنى
سلالالالالالالالالالالالالام

حــدوتـــة said...

esraa hamed

ربنا يخليكى كلك ذوق
ويا رب متكونيش بتجملينى
سلالالالالالالالالالالالام

بنات صاحبة الجلالة said...

يااااااااااااااا احساس قاسي اوي ان الواحد يقابل حبيبه بعد سنين طويلة يتفاجا بيه انه بس جاي يسال عليه وهيسبه تاني بعد مايكون اداله امل انه راجع علشانه
بوست رائع وكلماتك جميلة جدا

لك خالص التحية

Abo 7anf said...

لا لا لا لااااااااا
الكلام دا جامد
بس لو فى لحن
والله تحفه

حـــــدوتـــــة said...

بنات صاحبة الجلالة
منورانى مرة كمان
شكرا على ذوقك
يا رب يكون الاحساس وصلك ذى ما بتقولى

سلالالالالالالالالالالام

حـــــدوتـــــة said...

abo 7anf
يا باشا انت دايما بتحرجنى بذوقك
يا رب يكون الكلام عجبك بجد
والله فى لحن بس مين اللى يسمع
ادينى بزاول نفسى وخلاص
سلالالالالالالالالالالالام

رصيف نمرة خمسة said...

حدوتة

بجد التدوينة جامدة جدا وحسيت انها قصة قصيرة ومختصرة بشكل لايؤثر على الدراماههههه

ربنا يوفقك

تحياتى

حـــــدوتـــــة said...

رصيف نمرة خمسة
حمد الله على السلامة
وشكرا على ذوقك

سلالالالالالالالالالالالالام

Rosa said...

بوست يوجع القلب
الله على اختيارك للصوره
حسيت انه قلب مكسور مابينهم
عبرت حلو اوي عن البوست
بسيط .. بس مؤثر
تحياتي

رندا said...

صدفة

قابلتة صدفة بعد كل العناد
بس ازاى اقدر اسامحة على البعاد
قالى فينك لسة فاكرة حب سنينك
قالى عمرى مانسيت حنينك
روحنا فى دنيا تانية
دنيا تايهة
قالى لية متغيرة متحيرة
بصيت وقلت هم السنين
هم وحزن متفرقين متغربين
قالى تعالى ننسى الانين
تعالى نحلم بحب متشوقين
هاتى ايدك نحلم ببكرة
حلم صافى بين جفونا
مديت اديا ورحتلة ونسيت همومى وقلتلة
مش هيبعدنا السنين ولا حتى ثورة قلب حزين

كلماتك جميلة بس اخرها حزين
قلت اديك حتة مفرحة

تحياتى

رندا

حـــــدوتـــــة said...

rosa

منورانى وشكرا على كلامك الجميل

سلالالالالالالالالالالالالالام

حـــــدوتـــــة said...

رندا
منورة المدونة فى اول زيارة
يا رب تكون عجبتك
انا قريت تعليقاتك على الخواطر اللى فاتت
تحياتى
سلالالالالالالالالالالالالام

wael said...

حلوه اوي بس هي بجد ولا مجرد خاطره؟

somaa mahaba said...

جميله جدااا
الى الامام يا روميل
تحياتى ليك سومه_87

حـــــدوتـــــة said...

wael
منورة المدونة يا باشا
الحكاية دى محصلتليش
بس حصلت لواحد صحبى وحكالى عليها
فعجبتنى جدا وحاولت اعبر عنها
ويا رب تكون عجبتك

سلالالالالالالالالالالالالالالام

حـــــدوتـــــة said...

somaa mahaba
منورانى فى اول زيارة
يا رب تكون المدونة عجبتك

سلالالالالالالالالالالالالام

Eman Eltaher said...

جميلة فعلا
و الأجمل فيها حبكتها وصدمتها للى يفتكر انه كل الناس بتحب حقيقى و بتحب بجد

اسلوب بسيط صحيح لكن عجبتنى بجد

للأمام دايما و يدوم قلمك

تحياتى

(( قيثارة الأحلام )) said...

قلوب كتيره عاشت حزينه بعد ما عدى العمر وهيا بتدور على حب تاه منها كلماتك عبرت عن كل قلب انجرح وعن كل حب اتخنق وعن كل جرح ممكن ينزف مهما مر عليه زمان

حـــــدوتـــــة said...

eman eltaher

ربنا يخليكى

وشكرا على كلامك الجميل

سلالالالالالالالالالالالالالام

حـــــدوتـــــة said...

قيثارة الاحلام

منورة المدونة فى اول زيارة

شكرا على ذوقك

بس والله انتى عبرتى احسن منى

سلالالالالالالالالالالالالالام

Dr-hema said...

يا عينى على الرومانسية
د/هيما

الربان said...

تحياتي

اقول دي حدوته...:)

الصراع الداخلي بين السلام و الاحجام
وصفته جيدا...


تحياتي و تقديري

حـــــدوتـــــة said...

dr-hema

منور يا باشا
يا رب يكون الكلام عجبك

سلالالالالالالالالالالالالالالام

حـــــدوتـــــة said...

الربان
منور المدونة فى اول زيارة
اسعدنى كثيرا مرورك بى
وشكرا على ذوقك

سلالالالالالالالالالالالالالالالالام

مدحت محمد said...

جرحنى مرتين

الفكرة جميلة

والكلمات لذيذة اوى

عايزين نشوف المزيد

على فكرة موضوع شلوت سيادتك دفع للامام تحفة

ههههههههه

تحياتى وتقديرى

حـــــدوتـــــة said...

مدحت محمد

الف شكر يا باشا

دايما منورنى ورافع معناوياتى

سلالالالالالالالالالالالام

رئـــــيسـة حزب الأحلام said...

خواطر جميلة
ومعانى الحب فيها جميلة
وتحياتى

حـــــدوتـــــة said...

رئيسة حزب الاحلام
منورانى فى اول زيارة
شكرا على كلامك الجميل
ويا رب تكررى الزيارة

سلالالالالالالالالالالالالام

welly said...

انا مش حقولك غير ربنا يوفقك
وحكلم ايمن بهجت قمر يدور على صنعه تانيه

طارق الغنام said...

اخى
اول مرة ازور مدونتك
ماشاء الله على كلماتك وعلى احساسك
اتمنى لك التوفيق
واتمنى ان تزور مدونتى المتواضعة
متعك الله بالحب والسعادة
ودمت بود

حـــــدوتـــــة said...

welly
ربنا يخليك يا رافع معنوياتى
منورنى بزيارتك ويا رب تكون المدونة عجبتك وتزورنى تانى

ملقتش غير ايمن بهجت قمر
ده جامد اوى يا عم
انا يا دوب جايب بـ 2 جنية احساس وبكتب بيهم وهما دول اللى حلتى
عموما انا متشكر جدا على ذوقك وكلامك الجميل
سلالالالالالالالالالالالالالالالالالالالالام

حـــــدوتـــــة said...

طارق الغانم
اخى العزيز بارك الله فيك
اسعدنى كلامك كثيرا
ويا رب ميكنش الكلام ده مجاملة
واتمنى تكرار الزيارة
إنشاء الله هزور مدونتك قريبا جدا

سلالالالالالالالالالالالالالالالالالام

ma2tshren said...

لا لا ازاى متقولناش على المدونه دى
ومطلع عنينا ومدينا سياسه وهرينا فى المدونه التانيه
وانت مظبط الكلام هنا
وش بيغمز
انا قريت الخواطر كلها عجبتنى اوى
بجد جامده
والاحساس الفيها عالى
على الرغم اني محبش الشعر العامى بس بجد الاحساس هنا بيغطى على كل حاجه
ده انت طلعت رومانسي ومحدش عارف
وبجد تحياتى على الخاطره المتميزه دى

حـــــدوتـــــة said...

ma2tshren
اعملى فيها من لبيا بقه
على اساس انى كنت مخبى المدونة فى جيبى
منا حططها من زمان بس قولت يمكن انتى مبتحبيش الكلام ده فدخلتيها ومعجبتكيش
بس ولا يهمك انا مبسوط اوى ان الكلام عجبك
وعلى فكرة دى اقل حاجة عندى
ههههههههههههههههههههههههههههههه

انتى عارفة بجد والله انا لما كتبت الاغانى دى كنت فاكر محدش هيقراها غيرى
مع انى لما كنت بسمعها لحد من اصحابى بتعجبه اوى بس انا كنت بقول ده برضه صاحبى وبيجاملنى
بس الحمد لله كل اللى بيدخل المدونه بيشكر فى الكلام او على الاقل مبيشتمش
وادينى بنكد عليكم معايا بدل ما انا بكتب النكد ده وازاول نفسى لوحدى

سلالالالالالالالالالالالالالالالالالام

سنيوريتا said...

بجد بجد كلام جامد موووووووووووووووت

lyrics said...

كلمات
,
كلمة
,
كلام
,
اغانى
,
اغنية
,
اغنيه
,
الاغانى
,
البومات
,
تامر
,
عاشور
,
حسنى
,
مصر
,
شيرين
,
دياب
,
lyrics
,
Ashour
,
3shour
,
Tamer
,
Hosni
,
Amr
,
Diab
,
Shereen
,
حب
,
تامر عاشور
,
كلمات اغانى
,
كلمات اغنية
,
Music
,
Keywords Music
,
New
,
2012
,
Songs
,
Album
,
lyrics Album
,
Songs lyrics

نظافة مثالية said...


تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر
شركة تنظيف مجالس بالخبر

شركة المثالي جروب للتنظيف said...

شركة تنظيف منازل بالاحساء الشركة المثالية لتنظيف المنازل بالاحساء والتي اصبح يعتمد عليها اهالي محافظة الاحساء في تقديم جميع خدمات التنظيف وحصلت علي ثقة اهالي محافظة الاحساء لما قدمتة من خدمة فائقة بجودة ومواصفات قياسية اساطاعت من خلالها ان تصبح افضل شركة تنظيف منازل بالاحساء , فالكثير منا يبحثون عن افضل شركات التنظيف بالاحساء ونحن الان نقدم لكم افضل شركة تنظيف بالاحساء تستطيعون من خلالها الحصول علي افضل جودة لتنظيف المنازل والبيوت والشقق والفلل والمجالس والكنب والسجاد والموكيت والمفروشات فعندما نتكلم عن خدمات التنظيف واهميتها وكيفية الحصول علي النظافة المثالية بالجودة والمواصفات القياسية فليس هناك حل سوى شركة المثالية للتنظيف بالاحساء والتي تقدم خدمات التنظيف المتنوعة بخصومات هائلة واسعار مناسبة فلدينا

شركة تنظيف بالاحساء

شركة المثالية للتنظيف بالاحساء
شركة تنظيف خزانات بالاحساء