انـتــى عـنوانـــــى

انا كنت تايه قبل منك وانتى عنوانـى

كملتى فيا حاجات كتير يا حبيبتى نقصانى

حبيت معاكى الدنيا والناس والحيـاه

نسانــى قلبــك كـل جـرح وكـل اه

الحياه وانا جمب منك ليها لون تانـى

************

قبل اما اشوفك كنت عايش بس كنت ازاى

لا حاجة فارقة ملى فات ولا حاجة ملى جاى

دلوقتــى بحســب الدقايــق والساعــات

نفســى اعــوض كــل لحظــة ملــى فـات

خايـف اغمـض عينـى عنـك حتـى لثوانـى

...

وهــنـعـمـــل ايـــــه ؟

وهنعمل ايه فى نصيبنا ؟ وقلوبنا بختها


تتلاقـى وغصــب عنهــا تفارق حبهـا


الدنـيـا تنـساهــا والجــرح يمـلاهـا


مـكتوب عليهـا تبكـى فى عـز فرحهـا


لا عمـر الفرح يكمـل وعمره حتى يدوم


وإن مره جيه معانا بيمشى فى تانى يوم


سامحنـى يـا قلبـى البعـد مـش ذنبـى


هنسيـب بعـض وادينـا بتحضـن بعضهـا


وهنعمل ايه فى نصيبنا ؟ وقلوبنا بختها


تتلاقـى وغصــب عنهــا تفارق حبهـا


...

عيد ميلادها

النهارده عيد ميلادها ,,, كنت بفرح بيه زمان

الورود فى يوميها تطرح ,,, تنفتح قبل الأوان

والطيور تفضل تغنى ,,, تجرى على زهر الريحان

والقلوب تسأل حيارة ,,, ايه جرى ايه اللى كان

وانا وحدى بس عارف ,,, عيد ميلادها من زمان

لسه الفراق معرفش يكسرنى ,,, مهما السنين حاولت تغيرنى

حاسس هواها بيملى دنيايا ,,, مهما ادارى واخبى جوايا

...

مـعـدنــا فــــى الـجـنــه

معدنا قرب يا حبيبتى متقلقيش

هيجى يوم مع بعض فيه لازم نعيش

احلمنا فيه يتحققوا وكلامنا فيه هيصدقوه

وحياتى عندك قوّى قلبك متخفيش

....

خـلـيـكــى جـمـبــى

الأغنية دى اتكتبت واتلحنت واتوزعت مخصوص عشان صديقى وزميلى احمد عيسى

بمناسبة خطوبتة وهو اللى غناها لعروسته يوميها

انا بقوله الف مبروك وعقبال ما اكتبلك اغنية الفرح

****************

من يوم ما شوفتك قلبى قالى دى نصيبى

شوفت فى عيونك يعنى ايه كلمة حبيبى

يا دوب نظرة من غير كلام ...... لاقيتنى دايب فى الغرام

حسيت بقلبى انه طاير فى الهوى

حلمت يامه وحلمى كان زى الخيال

وقلت انك تبقى ليا ده شىء محال

فضلت صابر من زمان ...... وكل شىء جاى بأوان

واهو النهارده حبيبتى جيه واحنا سوى

خليكى جمبى واوعدينى متسبيش

حد يفرق بين هوانا وقلبنا

خليكى جمبى من النهارده خلاص مفيش

حد يعشق حد غير انتى وانا

خليكى جمبى سيبى قلبى خلاص يعيش

خلاص حبيبتى الغرام مكتوبلنا

خليكى جمبى سيبى نفسك متخفيش

من النهاردة انا وانتى بس لبعضنا

خليكى جمبى ............. خليكى جمبى

..

حـبـيـبـتــى سـاكـنــه هـنــا

كل ما اعدّى واقرّب اهـدّى يمكـن أشوفـك مـره

عينـي تشـد فى قلبـي لجوه وعقلـي يشـد لبـره

أفضـل واقـف وحـدي وخايـف لحسـن حـد يشوفني

يسألنـي أنـا بعمل إيه وإيه اللي موقفنـى

أمشــى شويـة وارجـع تانـى اتلفـّت حوليـا

وادعى يا عالم باللي فى قلبي واللي بيحصل ليا

ارحـم عاشـق مـش بأديـه البعـد ولا بأديهـا

ملّـى عنيـا منهـا شويـه وطمّـن قلبـي عليها

نفسـي أشوفهـا سعيدة بتضحـك لو مره فى خيالي

مـانا مش هفرح لما اعرف إن جرالها اللي جرالى

من يوم ما بعـدت عنـى واهو فات اكتر من سنة

عمري فى يوم ما نسيت إن حبيبتـى ساكنـه هنـا

...

اوصـفـلـــك ايــــــه

اوصفلك ايه ..... مفيش فى قلبى كلام يعبر عللى فيه

اوصفلك ايه .....انا قلبى حاسس حب عمره ما حس بيه

قلبى يوم ما لقاك ..... وياك

حس بحاجات مكنش قبلك دارى بيها

كل ثانيه معاك ..... بهواك

قبلك مدوقتش فرحه جمبك دوبت فيها

احلم بأيه ..... هوانا حقق كل حلم حلمت بيه

احلم بأيه ..... ملكت بيك الدنيا واحلم تانى ليه

قلبى يوم ما لقاك ..... وياك

حس بحاجات مكنش قبلك دارى بيها

كل ثانيه معاك ..... بهواك

قبلك مدوقتش فرحه جمبك دوبت فيها

بحبك ..... بحبك ..... بحبك

..

كــل يـــوم بــيـفــوت

كـل يـوم بيفوت عليــا .... بـلاقـى نـفـسـى بحبها

هى ليه مش حسه بيا .... وانـا اللى قلبى حسها

يوم ما جت عنيها فى عنيا .... كـان مـونايـا اقولها

هى ايـه بالنسبـة ليـا ..... وارمى نفسى فى حضنها

-------------------------------------

بس احساسى منعنى وقلبى انا خايف عليه

لو قالتلى لأ ساعتها كنت ممكن اعمل ايه

--------------------------------------

بشوف عنيها بحـس انى .... قلبى دايب من الغرام

لمـا بتقـربـهـا منى .... بيضيـع منَى الكـلام

ابقى ناوى اقول واغنى .... والقى اخريى يا دوب سلام

اعمل ايه يا رب عينَى .... ملـى فيـا مش بنام

---------------------------------------

ايوة احساسى منعنى وقلبى انا خايف عليه

لو قالتلى لأ ساعتها كنت ممكن اعمل ايه

الـحـكـايـة جــــرح

لو كان بأيدى اخطفك ..... وابعد بعيد

لو كان عليا ..... بس حبى لو يفيد

ده انا حبى جنه لو شافوها كان زمان

كل القلوب حبت وعشقت من زمان

بس الحكاية اصلها مش بالحنان

ولا بالقلوب الطيبة ولا بالأمان

الحكاية جرح وهيفضل يذيد

-----------------------------

لو شوقى مال كان زمانى اغنى واحد فى الوجود

لو حبى ليكى يعرفوه كان اللى راح لازم يعود

بس الحكاية اصلها مش بالحنان

ولا بالقلوب الطيبة ولا بالأمان

الحكاية جرح وهيفضل يذيد

لو كان بأيدى اخطفك ..... وابعد بعيد

انــــا و هـــــــى

انا وهى اتقابلنا بعد ما مرت سنين

معرفش انا اية جرالى ساعتها ورحت فين

قلت لقلبى بلاش وكأنى مشفتهاش

لحد ما قربتلى وبقه بينا خطوتين

انا قلت مش هسلم وافضل واقف مكانى

انا اللى يبعنى مرة عمرى ما اسامحه تانى

شورتلى من بعيد شفتنى اه اكيد

ضحكت خلتلى قلبى يحن فى ثانيتين

قلبى قالى ما يمكن انت ظلمتها

والبعد اللى ما بينا كان غصب عنها

قبل ما افكر مشيت وعليها بصوت نديت

قلتلها انا قلبى بعدك كان دايب من الحنين

سلمت بشوق عليها اصلى مش قادر

قولتلها انا كنت عارف البعد ليه اخر

وحشتنى ضحكتك وحشتنى نظرتك

البعد طال ما بينا وانا كنت فيه حزين

قالتلى لا سمحنى خلاص مبقتش ليك

انا بس لما شفتك قولت اطمن عليك

انت استعجلت ليه مش ذنبى اللى انت فيه

وذى ما جرحتنى مره جرحتنى مرتين

انا وهى اتقابلنا بعد ما مرت سنين

لـســـه فـاكـــــــــر

بيقولولى لسة فاكر ..... هى نسيت من زمان

قلت قلبى معدش قادر ..... ينسى حبه مهما كان

ده لسة الفراق معرفش يكسرنى

مهما السنين حولت تغيرنى

حاسس هواها بيملى دنيايا

مهما ادارى واخبى جوايا

بيقولولى حرام عليا ..... قلبى بعد فراقها داب

لو يحسوا باللى فيا ..... يعرفوا ايه العذاب

ده لسة هواها مغبش يوم عنى

عايش معاها ولسة مستنى

يمكن اكون عايش فى احلامى

لكن تملى شيفها قدامى

مش مهم

مش مهم إن كنت ناسى

ولا فاكر نفسى ناسى

ولا عامل روحى ناسى مش مهم

مش مهم إن كنت سامع

ولا رايح ولا راجع

ولا جرحى لسه واجع مش مهم

تعمل ايه لما تلقى الدنيا سودة قصاد عنيك

تعمل ايه لما جرحك يبقى طول الليل ماليك

تصرخ بأعلى صوتك ولا تبطل كلام

تتمنى فى لحظه موتك ولا تعيش والسلام

تفرق ايه مش بقولك مش مهم

حـــــاولت

حاولت يامة بعد منك انى اعيش

وقلت بعدك عن حياتى مهزنيش

بس الحقيقة انا قلبى بعدك تاه اكيد

حتى الندم بعد الفراق مبقاش يفيد

انا بعد منك حتى ملامحى اتغيرت

وإن حد شفنى خلاص دلوقتى ميعرفنيش