بيقولولى لسة فاكر ..... هى نسيت من زمان
قلت قلبى معدش قادر ..... ينسى حبه مهما كان
ده لسة الفراق معرفش يكسرنى
مهما السنين حولت تغيرنى
حاسس هواها بيملى دنيايا
مهما ادارى واخبى جوايا
بيقولولى حرام عليا ..... قلبى بعد فراقها داب
لو يحسوا باللى فيا ..... يعرفوا ايه العذاب
ده لسة هواها مغبش يوم عنى
عايش معاها ولسة مستنى
يمكن اكون عايش فى احلامى
لكن تملى شيفها قدامى
28 comments:
انا ليا الشرف اني اكون اول تعليق ويارب اصحاب حدوته القدام يفتكروني المهم عايزا اقولك انك انسان حساس قوي ووبسيط وعسل خالص واللي يحب عمره ماينسي وربنا مايحرمنا من كلامك اللي يدخل القلب واحلي حاجه فيك ان كل كلمه بتكتبها كانك بتوصف احساسنا ومشاعرنا
جامدين مووووووت يااسكندرانيه
سنيوريتا
سنيوريتا
والله واحشنى تعليقك
بعدين احنا منقدرش ننساكى ده انتى من اول الناس اللى دخلت على المدونه بس يمكن انتى اللى نسيتينا شويه
وبلاش الكلام الكبير دة احسن اتغر ومتعرفيش تكلمينى بعد كده
طول عمرك ذوق ومجاملة ويا رب يكون الكلام فعلا عجبك
اتمنى اشوفك على طول فى المدونة ويا ريت متنسيناش تانى
سلالالالالالالالالالالالالالالالام
يمكن أكون عايش في أحلامي
كلماتك فعلاً رقيقة وواضح إن هيا نتاج تجربة قاسية
أتمنى التعافي ...لأن حياة الأحلام مش كويسة
حلوة اوييييييي الكلمات دي
و حساها تنفع تبقي اغنية كمان
بجد رااائعة
تحياتي
human
شكرا على ذوقك
بس ساعات كتير الحقيقة بتوجع اوى
والحل انك تهرب الى حياة الاحلام
منور البلوج
سلالالالالالالالالالالام
esraa hamed
شكرا على كلامك وكلك ذوق
وهى فعلا اغنية انا بكتب شعر غنائى
وكل اللى بكتبه فى المدونة اغانى وليها الحان عندى بس انا بس اللى بغنيها
عشان بحب النكد
سلالالالالالالالالالالالالالالام
السلام عليكم دى اول زياره ليا
احلى ما فى الكلمات انها وبرغم انها مش كتير
إلا أنها وصلت الرساله
دا لأنها خارجه من القلب والاحساس فيها عالى
فوصلت
خليك دايما شايفها هو ده الحل للوحيد للوصول اليها
abo 7anf
منور المدونة يا باشا
بالرغم انك زملكاوى ذى ابويا
شكرا على ذوقك
ويا رب متكنش مجاملة
سلالالالالالالالالالالالالالالالالالالالالام
wael
يمكن كلامك يكون مظبوط
نورت يا معلم
سلالالالالالالالالالالام
كلام ولا احلى ولا اروع ولا اجمل
انا بجد الكلام وصلنى بسرعه
كلام من القلب اكيد لانه وصل للقلب بسرعه
ِشباب اون لين
منور المدونة
شكرا على ذوقك وكلامك الجميل
ويا ريت متكنش اخر زيارة
سلالالالالالالالالالالالالالالالالالام
لسه فاكر قلبى يديلك امان ولا فاكر
هيفتكر ايه ولا ايه الله يكون فى عونه برده
ايووووووووووووووووووووووووه
كلامك جميل اوى دى اول مرة ادخل مدونتك وهاجى على طول
رصيف نمرة خمسة
نورتى المدونة
وتشرفينى فى اى وقت
وشكرا على كلامك
سلالالالالالالالالالام
اللى ينساك انساه واللى يهواك اهواه
وبعدين مالك ومال سيد بتاعى
جميله اوى يا حدوته
اصعب حاجه ان الواحد يفتكر حد ناسيه
جميل ان نكتب اللى حاسينه
وواضح انك حاسه كلامك جدا وده خلى الكلام يوصل بالصوره الرائعه دى سلام
عصفورة من الشرق
يا سيتى انتى وسيد على راسى من فوق
بس متزعليش نفسك
لو الموضوع سهل كده مكنش حد غلب
ولا ايه
سلالالالالالالالالالام
dalia
والاصعب انه يعرف ان اللى ناسيه ده
مش ناسيه بس مينفعش يرجع
بس مين يفهم ومين يحس
سلالالالالالالالالالالالالالام
rommantic
اول زيارة منورة المدونة
شكرا على كلماتك الرقيقة
ويا رب متكنش مجاملة
فعلا اللى خارج من القلب بيوصل بسرعة
سلالالالالالالالالالالالالالالام
رائعة بجد
ماشاء الله عليك
انا والله كنت شاكك انها اغنية اتغنت من روعة الكلمات
مدحت محمد
ربنا يخليك طول عمرك ذوق
وديما رافع معنوياتى
هى فعلا اغنية وواحد زميلى ملحنها وكل اللى بكتبه فى المدونه اغانى من كلماتى وليها الحان
وكل ما اعوز انكد على نفسى اغنيها
فقلت انكد عليكوا معايا
واعتقد انى ناجح فى ده لحد دلوقتى
بقالك كتييييير اويييييي مش نزلت حاجة جديدة يا حدوتة
ان شاء الله تكون خبير
و في انتظار جديدك ان شاء الله
انا محبتش على اول بوست غير لما اقرا بقيت المدونة
ليه جو الحزن العام ده ؟؟؟ سؤال يطرح نفسه
تحياتي
esraa hamed
انا بخير والحمد لله
مبحبش انزل اغانى كتيرة عشان محدش يزهق منى
خصوصا ان اغلب كلامى نكد ذى ما انتى عارفة
فحرام انكد عليكوا انتوا ملكوش ذنب
بس هكتب حاجة جديدة قريب انشاء الله
سلالالالالالالالالالالالالالالام
sara
منورة المدونة ويا رب تكون عجبتك
عندك حق يمكن يكون الجو العام حزين
وده لكذا سبب
اولا انا شخص حزين بطبيعتى
ثانيا انا بقالى فترة الدنيا ملخبطة معايا
ثالثا حتى لو انا شخص عادى فالجو العام بتاع البلد كلها بقة حزين وكأيب كمان
سلالالالالالالالالالالالالالالالام
كلماتك جميلة قوى
انت طلعت حدوتة صحيح
عارف ممكن تتغنى
تحياتى
رندا
الله ايه الكلام الجامد ده
كلماتك رائعه تسلم ايدك
ومدونتك كلها رائعه بجد مش عارفه اعلق على ايه ولا ايه ...
Post a Comment