الأغنية دى اتكتبت واتلحنت واتوزعت مخصوص عشان صديقى وزميلى احمد عيسى
بمناسبة خطوبتة وهو اللى غناها لعروسته يوميها
انا بقوله الف مبروك وعقبال ما اكتبلك اغنية الفرح
****************
من يوم ما شوفتك قلبى قالى دى نصيبى
شوفت فى عيونك يعنى ايه كلمة حبيبى
يا دوب نظرة من غير كلام ...... لاقيتنى دايب فى الغرام
حسيت بقلبى انه طاير فى الهوى
حلمت يامه وحلمى كان زى الخيال
وقلت انك تبقى ليا ده شىء محال
فضلت صابر من زمان ...... وكل شىء جاى بأوان
واهو النهارده حبيبتى جيه واحنا سوى
خليكى جمبى واوعدينى متسبيش
حد يفرق بين هوانا وقلبنا
خليكى جمبى من النهارده خلاص مفيش
حد يعشق حد غير انتى وانا
خليكى جمبى سيبى قلبى خلاص يعيش
خلاص حبيبتى الغرام مكتوبلنا
خليكى جمبى سيبى نفسك متخفيش
من النهاردة انا وانتى بس لبعضنا
خليكى جمبى ............. خليكى جمبى
..
23 comments:
هحجز اول تعليق وارجع ارد
ومبروووك لصديقك
دى بس الى اخت بالى منها
ودى كلماتك صح وتلحين مين انت برضة ولا اية
ياعم خسارتك فى البلد دى ياعم
سيبنى بقى اروح اقرا انت معطلنى لية
دودودودو كل دة رغى هههههه
اولا الصورة تحفى
بس اوعى يكون
صاحبك احمد وخطيبتة
كانوا عاملين كدة ههههههه
اتصدق تبقى موضة
جنااااااان فكرة برصة
ياخبر اية الى انا قريتة دة
حلوة حلوة
لا حلوة اية بس دى تحفى
اتصدق
حسيت انى سامعة تامر حسنى
بصوتة فيها ياخبر طيب حد يوصلهالة طيب
اصل عمرو راحت علية هههههه
هو صاحبك احمد بيغنى كمان
يعنى انت ملحن
وموزع ومؤلف
وهو بيغنى
ماشاء الله عليكوا
طيب اقولك بجد بجد هعزمكوا فى فرح ولادى مليشى دعوة بقى
اتفقنا ماشى
ممكن تبلغ صديقك احمد انى بقولة مبروك ربنا يسعدة وعقابلك بقى
انت حكايتك صحيح حكاية
فين الانجاز بقى يلا
اتصدق هروح اقراها تانى وتالت
اصلها حلوة فعلا
ربنا يحميك
رمضان كريم عليك وعلى الاسرة الكريمة
رندا
الف مبروك لصديقك وصوته الجنان ورمضان كريم ايه الحلاوة دى
انت باين عليك مؤلف هايل
وملحن كمان
وهو صوته جنان
وممكن تعمله شريط يكسر الدنيا انا بحيى راندا على التعليق الاول بس انا التعليق التانى ان شاء الله انا هسبقها فى المرات الجاية
جمية جدا
والف مبروك لاحمد عيسى صديقك
عيش حلاوى
طب مش تنزل الاغنيه اهو نسرقها ونزلها نغمات على الموبايل يمكن تضرب معاك وتبقه مشهور طبعا سعتها ولا هتعرفنا المهم مبروك لاحمد وخطبته ربنا يهنيهم يارب وعقبالك ياحامد يارب عايز نشوف الاغنيه الهتغنيها لخطبتك انا عارفه اكيد مخبي مفجأه بس بجد ياريت تفكر تنزل الصوت بتاع الاغنيه بجد لينا فكر ورد عليا
السلام عليكم
والله يا استاذة انا مش عارف اقولك ايه
دايما سبقانى بالخير
والكلام ده كبير قوى واكبر منى كمان
وخدى بالك انا امى بتغير عليا
بس انتى ربنا يخليكى دايما رافعة معناوياتى ومخلياها فى السما
بس على فكرة انا بكتب بس
اللى بيلحن ويوزع الاغانى بتاعتى واحد زميلى اسمه عمرو وهو اللى ملحن كل الاغانى اللى فى المدونة دى
اما احمد فده فرحه يعنى بغض النظر عن صوته فهو كان لازم يغنى فقال اغنية معمولة مخصوص ليا احسن
سلالالالالالالالالالالالالالالالالالالالالالالام
السماء الداميه
منور المدونة فى اول زيارة
وشكرا على الكلام الجامد ده
ويا رب متكنش بتجاملنى
عموما يا ريت اشوفك هنا دايما
سلالالالالالالالالالالالالالالالالالالالالالالام
Abu Shahin
منور المدونة فى اول زيارة
الله يبارك فيك وعقبالك
سلالالالالالالالالالالالالالالالالالالالام
ماء تشرين
الله يبارك فيكى وعقبالك
التسجيل هيبقى مش واضح
بس هحاول وهرد عليكى
سلالالالالالالالالالالالالالالالالالالالالالالالالام
السلام عليكم
حدوتة
ما شاء الله بجد كلمات رائعة والله العظيم لذيذة بس أنت عارف كان ناقصها ايه؟
كان ناقصها اللحن بس سامحنى أنا اللى لحنتها لنفسى علشان أحس أكتر بروعتها.و ألف مليون مبروك لصاحبك و عقبالك.بس أعمل حسابك أنك حتكتبلى أغنيتين أنا كمان واحدة لخطوبتى وواحدة لفرحى.و بعد أذن سيادتك تبقى تشرفنى فى مدونتى و تقرأ أخر بوست ليا اللى هو من أسبوع و لسه مستنى تعليقك فيه و مش راضى أنزل بوست جديد الا بعد تعليقك
واضح انى خسرت كتير لانى مكنتش بتابع مدونتك دى
بجد كلها جميلة و انا قريت اكتر من اغنية
كلهم احلى من بعض بصراحة تسلم ايدك
احساس عالى و تناسق فى الكلمات
و الف الف مبروك لصاحبك و عقبال الفرح بقى :)
كل سنة و انت طيب و رمضان كريم
مبروك لصديقك اوى وعقبالك
كل سنة وانت طيب
مبروك لصاحبك وعقبالك الاغنية جميلة ورقيقة اوى ياترى انت حتغنى ايه فى فرحك؟
سلام
كل عام وانت بالف خير
تقبل الله منا ومنك كل الاعمال الصالحة
اراك ان شاء الله بعد رمضان
رمضان كريم
رندا
mamato2010
شكرا يا باشا على الكلام الجامد ده
وانت شد حيلك بس وانا هظبطك
سلالالالالالالالالالالالالالالالالالالالالالالالام
ورود و أشواك
يا ستى لا خسرتى ولا حاجة
المدونة تحت امرك وتشرفينى فى اى وقت
ويارب ميكنش الكلام الحلو ده مجاملة
سلالالالالالالالالالالالالالالالالالالالالالالالام
شفقة هانم واحسان بك
الله يبارك فيكم
ورمضان كريم
سلالالالالالالالالالالالالالالالالالالالالالالالام
كلام وخلاص
الله يبارك فيكى وعقبالك انتى كمان
اما موضوع فرحى ده
يا مين يعيش
سلالالالالالالالالالالالالالالالالالالالالالالالالام
رندا
وانتى طيبة يا استاذة ورمضان كريم
وهتوحشينا اوى الشهر ده
سلالالالالالالالالالالالالالالالالالالالالالام
كلمات أكثر من رائعة
زى ماعودتنا
كل سنة وانت طيب
رمضان كريم
اولا : مدونتك رائعة جدا
ثانيا : بشكرك على زيارتك الكريمة لمدونتى تحوتى
و انا فعلا نقلت مدونتى الى مدونة اخرى بكتب فيها اكثر اسمها تحوتى برضه
http://tohouty.maktoobblog.com/1070139/%D8%A8%D8%B9%D8%B6_%D8%A7%D9%84%D9%85%D8%B5%D8%A7%D8%AF%D8%B1_%D8%A7%D9%84%D8%AE%D8%A7%D8%B5%D8%A9_%D8%A8%D8%A7%D9%84%D9%84%D8%BA%D8%A9_%D8%A7%D9%84%D9%85%D8%B5%D8%B1%D9%8A%D8%A9_%D8%A7%D9%84%D9%82%D8%AF%D9%8A%D9%85%D8%A9/
كل سنة و انت طيب و رمضان كريم
أهلا! حسنا؟ بلوق للعجب!
وهذا الزواج؟ وقالت انها ، يرتدون السراويل وقال انه (ضحك).
تهانينا للبلوق!
السلام بكثير!
ماتو غروسو -- البرازيل
Hi! OK? Wonder of blog!
And this marriage? She, dressed in pants and he (laughter).
Congratulations for the blog!
Much peace!
Mato Grosso - Brazil
اخى الحبيب
كلمات رائعه فعلا
والف مبروك لصديقك
وربنا يجعل ايامكم كلها افراح
تقبل تحياتى
وكل عام وانت بخير
والى الله اقرب
Post a Comment