Thursday, July 31, 2008

حـبـيـبـتــى سـاكـنــه هـنــا


كل ما اعدّى واقرّب اهـدّى يمكـن أشوفـك مـره

عينـي تشـد فى قلبـي لجوه وعقلـي يشـد لبـره

أفضـل واقـف وحـدي وخايـف لحسـن حـد يشوفني

يسألنـي أنـا بعمل إيه وإيه اللي موقفنـى

أمشــى شويـة وارجـع تانـى اتلفـّت حوليـا

وادعى يا عالم باللي فى قلبي واللي بيحصل ليا

ارحـم عاشـق مـش بأديـه البعـد ولا بأديهـا

ملّـى عنيـا منهـا شويـه وطمّـن قلبـي عليها

نفسـي أشوفهـا سعيدة بتضحـك لو مره فى خيالي

مـانا مش هفرح لما اعرف إن جرالها اللي جرالى

من يوم ما بعـدت عنـى واهو فات اكتر من سنة

عمري فى يوم ما نسيت إن حبيبتـى ساكنـه هنـا

...

25 comments:

رندا said...

نفسـي أشوفهـا سعيدة بتضحـك لو مره فى خيالي

مـانا مش هفرح لما اعرف إن جرالها اللي جرالى

..................

اول تعليق شوف انا متابعة ازاى
ههههههه
حلوة اوى اوى البوست
حسيت ان المرادى بتكتب غير كل مرة
حسيت فيك كلمات صلاح جاهين
قلب طفل واقف مستخبى ورا مكان
بيبص على حبيبتة من بعيد
بيحبها بس مش قادر يقولها
قلب فى مرحلة جميلة كلنا عشناها مرحلة المراهقة الى الكل كان بيحب
بدون ان يقول لحبيبة
لان زمان كان الحب برئ اوى
وحسيت بالبرائة فى كلماتك

تسلم ايدك يارب

كل الود

رندا

مدحت محمد said...

تحفة تحفة

بجد يابنى انت موهبة رائعة

الالغنية ملحنة نفسها

معرفتش اقراها غير بدندنة

والله مش مجاملة لا بجد تحفة

مدحت محمد said...

صحيح نسيت اقلك نزلت بوست كاميليا فى الرسائل الرومانسية
http://romantic-messages.blogspot.com/

Anonymous said...

بوست جامد مووووووت ومافيش ابسط من كده كلمات
براءه مش موجوده الا قليل اوي في الايام ديه

كلام وخلاص said...

يابختها
سلام

عروسة ننوسة said...

سيدى يا سيدى على الحب والكلام الرومانسى

ماء تشرين said...

اه جميل اوى الاحساس ده وتبقه فاكر انو محدش شيفك والناس كلها شيفاك
مهو الحب ده لغزاحنا مش عارفين نحلو لحد دلوقتى
بس سنه مش كتير على نفس احساس واحد؟مجرد سؤال

RaRa said...

كلمات جميلة بجد
زى ماوعدتنا كل مرة
بتنزل بحاجات جامدة فعلا
اكثر من رائعة
وهو كدا الحب صعب ننساه
وننسى اجمل أيام عشناها فيه
مهما كان عذابه

تحياتى

حـــــدوتـــــة said...

رندا

ربنا يخليكى يا استاذة
ديما اجدع واحسن منى

عندك حق الكلام المره دى بطريقة مختلفة شوية
عموما دى اخر حاجة انا كتبتها
اللى قبل كدة كنت كاتبه من فترة

سلالالالالالالالالالالالالالالالالالالالالالالالالام

حـــــدوتـــــة said...

مدحت محمد

يا باشا ده كتير عليا
ربنا يخليك على الكلام الحلو ده
بس يا رب متنسناش فى مدونتك الجديدة

سلالالالالالالالالالالالالالالالالالالالالالام

حـــــدوتـــــة said...

سنيوريتا

مع انى زعلان منك
بس متشكر جدا يا سيتى

سلالالالالالالالالالالالالالالالالالالالالالام

حـــــدوتـــــة said...

كلام وخلاص

يا بخت مين بس
شكلك مش مركزة خالص

سلالالالالالالالالالالالالالالالالالالالالالالالالالام

حـــــدوتـــــة said...

عروسة ننوسة

منورة المدونة فى اول زيارة
ويا ريت نشوفك تانى

سلالالالالالالالالالالالالالالالالالالالالالالالام

حـــــدوتـــــة said...

ماء تشرين

عندك حق الواحد بيبقى مفقوس اوى
بس غصب عنه

فى احساس بيفضل العمر كله ... مجرد إجابة

سلالالالالالالالالالالالالالالالالالالالالالالام

حـــــدوتـــــة said...

rara

ربنا يخليكى ديما بتحرجينى بذوقك

سلالالالالالالالالالالالالالالالالالالالالام

Unknown said...

ارحـم عاشـق مـش بأديـه البعـد ولا بأديهـا

ملّـى عنيـا منهـا شويـه وطمّـن قلبـي عليه
--------

أثرت فيا أوي

أبقي أتحفنا من ده كتير

ماء تشرين said...

بس معرفش عن الرجاله الوفاء ده كلو

حـــــدوتـــــة said...

عاليا حليم

ابقى تعالى انتى
وانا اتحفك باللى انتى عايزاه

سلالالالالالالالالالالالالالالالالالالالالالالالالالام

حـــــدوتـــــة said...

ماء تشرين

يبقى انتى معرفتيش رجالة قبل كده


سلالالالالالالالالالالالالالالالالالالالالالالالالام

شهرزاد said...

يسألنـي أنـا بعمل إيه وإيه اللي موقفنـى

أمشــى شويـة وارجـع تانـى اتلفـّت حوليـا
.....
حركات مراهقة جميلة ...
ههههه

كلمات جميلة
أحس دائما بأن لك أسلوب مختلف في الكتابة
وأسلوب متميز ورائع

أحييك بشدة
وألف تحية

شفـقــة و إحســــان said...

ايه الجمال والرقة دى؟؟
هو لسه فى حد بيحب كده وكمان بيعدى من تحت بيتها لا انت شكلك رومانسى جدا
بس بجد البوست حلو جدا جدا

حـــــدوتـــــة said...

شهرزاد

ربنا يخليكى على الكلام الحلو ده

سلالالالالالالالالالالالالالالالالالالالالالام

حـــــدوتـــــة said...

شفقة هانم واحسان بك

منورين المدونة فى اول زيارة
ويا رب تكون عجبتكوا

ايوة لسة فى ناس كده
الدنيا مليانة بلاوى
شكرا على كلامكم الجميل ويا ريت اشوفكم ديما

سلالالالالالالالالالالالالالالالالالالالالالالالام

Unknown said...

هو ممكن ناخد الكلمات دى عادى ياصاحبى؟
أصل أنا لسة مطرب مبتدئ وهعمل بإذن الله
أول ألبوم ليا من إنتاجى الشخصى
دا رقمى
ياريت تكلمنى علشان أكتب الكلمات بأسمك
ونشتغل سوا
أنا أحمد
01018313919

illiaobregon said...

BBS Casino | Free Spins No Deposit | Free Chips, Welcome
BBS Casino offers 블랙 잭 규칙 over mlb 분석 200 games, including slot, table 맥스 벳 games, video poker, bingo and a range of games. Join now and get 여캠 노출 사고 a 100% match bonus up to 바카라양방계산기