Friday, December 7, 2007

كــــــلام اغــانــى


اللى قالو الحب جنة ... مش داريين بالى احنا فيه

لو صحيح بيحسو بينا ... كانو شافو جرالنا ايه

قالولنا عنه كلام كتير من غير حساب

خالونا عشنا معاه طيور فوق السحاب

واما احنا صدقناه كل اللى قابلناه

يومين فرح وشهور دموع وسنين عذاب

قالولنا عنه فى اوله فرح وامانى

يريح القلب الحزين وياه فى ثوانى

حاكولنا عنه كلام عيشنا فى الاحلام

بس الحقيقة انه كله كلام اغانى

12 comments:

noury said...

كاذب كل من قال أن الحب فى هذا الزمن نعمة,فالكل يحب الاحساس بالحب ولا يحب الطرف الاخر,احساس الذل والاحتياج,يرفع كل منا رايته الحمراء فيراها الطرف الاخر على انها اما سذاجة أو خبث وكذب فما بالك بمن حولهم
الحب تضحية:لكم أضحكتنى هذه الكلمة!!أعتقد أن هناك الكثير من الكلمات التى نستخدمها فى عصرنا هذا لم ننتبه الى انها انقرضت من عصر الديناصورات:التضحية,الامان,الاحساس,المشاعر,الطيبة,.............وأكثر من ذلك بكثير
ولكن ماذا سنفعل؟
هذه هى الدنيا

حـــــدوتـــــة said...

اولا شكرا على المشاركة
انتى اول تعليق فى اول بوست
ثانيا الحقيقة ديما قاسية
بس فى كل الحالات لابد منها

الفراشة الصغيرة said...

كان نفسى اكون اول تعليق بس نعمل اية بقى نور سبقنى

كلماتك حلوة قوى
بس يا حدوته الحب حلو قوى
بس وجعه فى القلب صعب قوى
ولذه الحب فى وجع القلب

رحاب said...

يا جماعه هو ايه اصلاً معني الحب ما هو مش كل واحد عاوز يمشي شوية مع بنت نقول انه بيحب يبقي على كده العيال فى الإعدادى بيحبوا بقي اذا كان اصلاً العالم احتار فى تفسير معني الحب لانه ليه اشكال كتيرة ومختلفه يبقي احنا ليه نظلم الحب العيب فيكم يا فى حبايبكم اما الحب يروحي عليه على رأى الست حاسبوا نفسكوا الأول وبعدين ابقوا حاسبوا الحب

حـــــدوتـــــة said...

رحاب انا مش هرد عليكى بس الظاهر ان ناصر مولعها اليومين دول الله يسهلة ناس هيصة وناس ليصة

Anonymous said...

احسب الناس مثلي في طيبتي وعلي نفسي ابديهم ومليون مره انصدم فيهم

Anonymous said...

الحب هو تاريخ المرأة وليس إلا حادثاً عابراً في حياة الرجل

Anonymous said...

اول ماقريتها قلت ابعتها لحدوته
حكى الأصمعي قال بينما كنت اسير في بادية الحجاز إذ مررت بحجر كتب عليه هذا البيت
يامعشر العشاق بالله خبروني
إذا حل عشق بالفتى كيف يصنع


فكتب الأصمعي تحت ذلك البيت

يداري هواه ثم يكتم سره
ويخشع في كل الأمور ويخضع


ثم عاد في اليوم التالي الى المكان نفسه فوجد تحت البيت الذي كتبه هذا البيت
وكيف يداري والهوى قاتل الفتى
وفى كل يوم قلبه يتقطع


فكتب الاصمعي تحت ذلك البيت
إذ لم يجد صبراً لكتمان سره
فليس له شيء سوى الموت ينفع


قال الأصمعي فعدت في اليوم الثالث الى الصخرة فوجدت شابا ملقى تحت ذلك وقد فارق الحياة وقد كتب في رقعة من الجلد هذين البيتين
سمعنا وأطعنا ثم متنا فبلغوا
سلامي الى من كان للوصل يمنع
هنيئاً لأرباب النعيم نعيمهـم
وللعاشق المسكين ما يتجرع

حـــــدوتـــــة said...

حرام عليكى يا داليا الواحد فيه
اللى مكفيه ومش ناقص

عايز اقول للشخص اللى مش كاتب اسمه واكيد هى بنت مش ولد متحكميش على الموضوع من تجربة حصلتلك او سمعتيها من وحدة صحبتك وذى مافى الكويس فى الوحش عند الراجل والست

Anonymous said...

ايوه ياحدوته زي مافي الوحش في الكويس انا عارفه طبعا بس قليل لما تلاقي ولد بعد ماالظروف تبعده عنها انه يفضل يحبها قليل اوي لما تلاقي ولد ينجرح زي البنت

Anonymous said...

الحب كالحرب من السهل أن تشعلها . . من الصعب أن تخمدها

رندا said...

الحب اجمل شئ فى الوجود
مش معنى مرة حب فشل يبقى نهاية المطاف
لية مش ناخد من التجارب حكمة وخبرة
الحب اجمل كلمة من تلات احرف
بيهم بنحيا من جديد
ربنا يسعد قلبك
يااجمل حدوتة

تحياتى

رندا