نفسى أعرف ايه جرالها ... فاكره ولا مش فى بالها
لسه عايشة وحيدة ذيى ... ولا حد بشوق ندالها
نفسى اطمن عليها ... قلبى فاكر مش ناسيها
عايز أعرف شايلة صورتى ... ولا خلتنى فى ماضيها
ايوة بحلم بيها واسرح ... اصل الحقيقة كتير بتجرح
مش بأيدى غصب عنى ... لما تيجى سيرتها بفرح
قلبى دايب من سؤالى ... هى حاسه اللى جرالى
ولا قادرة تعيش حياتها ... ولا حالها ذى حالى
نـفـســى أعــرف
11 comments:
انت شاعر جامد اخر حاجة
بجد حلو قوى الشعر ده انت فعلاً شاعر جامد يارب يوفقك ومبروك على النقل
الله يبارك فيكى
خلاص هتنقل وارجع ايام زمان
خلى الناس تجهز
حمودى راجعلهم
ارحمنا ياحامد
كلامك تحفه وبجد انت مالكش حل
كلامك يدوب الحجر
وربنا يوفقك
الحب لا يقتل العشاق . . هو فقط يجعلهم معلقين بين الحياة و الموت .
هل عندما تعرف الحقيقه سشتعر بالراحه؟
ام ستحس بأنك أذنبت لبقائك فى ذكريات قديمه؟
من الافضل لك ان تبقى فى جهلك هذا
فربما الجهل نعمه
nice poem :)
مى
كلامك مظبوط هو بيخلى الواحد لاهو حى ولاهو ميت
lonlysmily
ايوة لما هعرف الحقيقة هحس براحة حتى لو بقيت فى ذكريات قديمة ذى ما قلتى على الاقل اكون عرفت وساعتها اتكلم مع نفسى واشوف هاعمل اية
وعلى فكرة الجهل عمره ماكان نعمة
هذا شعر غنائي يحمل في طياته موسيقى لحنة...
جميل ما خطه يدك .. واني ارى انها لا تستيطع ان تنسى قط من يسكب هذه الالحان...
دمت بكل ود..
خالص تحياتي
دى كلماتك ؟ ولا أغنية مطرب برده ؟ انتى عارفة انا ماليش اوى فى اغانى الايام دى
انما ع العموم هى كلامها جميل
تسمحيلى بالمساحة الأعلانية دى ؟
متشكرة ده عشمى برده :)))
------------
صاحب البوابة http://elbawaba.blogspot.com/ يدعوكم لحضور حفل أفتتاح دار النشر الخاص به ، حلم شاب تحقق بأمكانيات بسيطة - تجربة تستحق التشجيع - فى انتظاركم غدا الحميس 10 \ 1 \ 2008 الساعة السادسة مساءا فى مكتبة البلد 31 ش محمد محمود أمام الجامعة الأمريكية
بجد حلو اوى
احساسك عالى جدا
دى لو اتلحنت واتعملت اغنية هتبقى خطيرة
هتكسر الدنيا
:)
تحياتى وربنا يوفقك
للامام دايما
اسلوبك معبر جداااااا وهادي ولذيذ خالص
ربنا يوفقك hoba a7la klaam
Post a Comment