مكتوب عليا اشيل الجرح جوه كيانى
بضحك انا تمثيل وابكى وانا وحدانى
وادى السنين بتدور وقلبى انا مكسور
بكرة يفوت الدور وانا لسة فى مكانى
***********
ليه الجراح بتعيش والفرح ليه بيموت
والدنيا مبتديش غير اللى عالى الصوت
ياخد الزمان ويجيب عايش لوحدى غريب
واللى افتكرته حبيب راح لواحد تانى
***********
الليل مكان الوجع وانا عمرى كله ليل
الحزن منى شبع والحزن باله طويل
العمر عدى وفات والقلب كله اهات
الفرح يمشى ساعات يجى عندى انا وينسانى
***********
مكتوب عليا اشيل الجرح جوه كيانى
بضحك انا تمثيل وابكى وانا وحدانى
**
4 comments:
انااول تعليق
ياااااااااااه
قد كده الحزن مالى القلوب
لا بس في حجات حلوة كتير واليروح لحد تانى ده مش ينفع تقول عليه حبيب
صعب اوى
بضحك انا تمثيل وابكى وانا لوحدى
والصورة
ايه يابنى حرام عليك
بقولك ايه متكتبش احسن
مش هقولك اكتب تانى
بس مضطره
اقولك انها حلوه لانها فعلا جميله رغم حزنها
ماء تشرين
حرام عليك يا حدوته
يعنى بعد طول غياب
تنزل ببوست حزين كده
عموما كلماتك جميله
وبوست حلو
بس بلاش حزن بقى
الجراح بتموت تمام زي ما الافراح بتموت
احنا ساعات مش بندي نفسنا فرصة ننسي
والكلام كله ماسوي كدة ليه
لا ده مود قافل زائد عن الحد
غيره المرة الجاية
تحياتي
بضحك انا تمثيل وابكى وانا وحدانى
&
ياالله مااجمل كلماتك طاحت بى
انت مش ممكن بجد
حساس جداً دافئ جداً
شاعر جداً فنان جداً
صديقى
دعنى اتنباهى بك امام الجميع واقول
عرفت طريق شاعر غنائى رفيع المقام
حقك عليا عارفة انى اتاخرت عليك
من غير زعل ولا عتاب
هبقى اجى هنا كتير
تقديرى ياصديقى الجميل
Post a Comment