Monday, July 14, 2008

اوصـفـلـــك ايــــــه


اوصفلك ايه ..... مفيش فى قلبى كلام يعبر عللى فيه

اوصفلك ايه .....انا قلبى حاسس حب عمره ما حس بيه

قلبى يوم ما لقاك ..... وياك

حس بحاجات مكنش قبلك دارى بيها

كل ثانيه معاك ..... بهواك

قبلك مدوقتش فرحه جمبك دوبت فيها

احلم بأيه ..... هوانا حقق كل حلم حلمت بيه

احلم بأيه ..... ملكت بيك الدنيا واحلم تانى ليه

قلبى يوم ما لقاك ..... وياك

حس بحاجات مكنش قبلك دارى بيها

كل ثانيه معاك ..... بهواك

قبلك مدوقتش فرحه جمبك دوبت فيها

بحبك ..... بحبك ..... بحبك

..

26 comments:

كلام وخلاص said...

يا سلام على الاحساس العالى
المشاعر الكلاسيكية اللى زى شعرك بتاخد قيمتها من اللى قالها احيانا بحس انها من كتر تكرارها فى الاغانى بتفقد شوية من مصداقيتها ولا انت ايه رأيك؟؟

رندا said...

اوصفلك اية
كلماتك بسيطة كلماتك رقيقة
اوصفلك اية
كلماتك فيها فرح وطيبة
اوصفلك اية
كلماتك حساسة بمعانيها
اوصفلك اية ولا اية

ربنا يسعدك وتكبر اوى وتشتهر اوى

نفسى بجد تقولى الحقى مش انا بقيت مشهور زى اكبر مشهور
ساعتها بقى هوصفلك فرحتى

كل الود

رندا

Cold air said...

كلمات رقيقة و إسلوب جميل

ماء تشرين said...

اوشش ايوة يابختك يالى في بالى
وش بيغمز
حلوه ورقيقه وحنينه تحمل في كل كلمه كم من المشاعر الصادقه كالعادة ياحدوته
تحياتى

RaRa said...

من رومانسية كلماتك
مش عارفة اكتب اى تعليق
بجد بجد الله عليك

دمت بسعادة وخير دائما

مدحت محمد said...

انا والله عمال اقول الاغنية دى حد غناها

مين مين

بجد تنفع اغنية والله

الكلمات خفيفة وجميلة اوى

Anonymous said...

الله عليك كلماتك تخلي اللي بيكره انسان لازم يحبه لمجرد الحب
جامد مووووووووووووووت ياحدوته

حـــــدوتـــــة said...

كلام وخلاص

كلامك مظبوط بس انا بحس بشعور معين فبكتبه
يمكن يكون الكلام اللى عبرت بيه عن اللى جوايا اتقال قبل كده
بس انا مش محترف ولا بكتب عشان ابيع الكلام ده

سلالالالالالالالالالالالالالالالالالالالالام

حـــــدوتـــــة said...

رندا

لا تعليق
كلماتك اكبر منى بكثير
ربنا يجبر بخاطرك ذى ما انتى بتجبرى بخاطرى دايما

سلالالالالالالالالالالالالالالالالالالالالام

حـــــدوتـــــة said...

Cold air

منور المدونة فى اول زيارة
شكرا على كلامك
وارجو التواصل دائما

سلالالالالالالالالالالالالالالالالالالالالام

حـــــدوتـــــة said...

ماء تشرين

متخليش دماغك تروح لبعيد
الكلام ده كنت كاتبه زمان
ايام الروقان والدلع
لكن دلوقتى مش عايز اقولك
انا بس بقلل جرعة النكد شويه عشان متمتوش منى
فكل حبة كده بنزل اغنية من بتوع زمان

سلالالالالالالالالالالالالالالالالالالالالالالالام

حـــــدوتـــــة said...

rara

ربنا يخليكى انتى دايما بتحرجينى بذوقك

سلالالالالالالالالالالالالالالالالالالالام

حـــــدوتـــــة said...

مدحت محمد

والله انت اللى جميل
منور يا باشا

سلالالالالالالالالالالالالالالالالالالام

حـــــدوتـــــة said...

سنيوريتا

ربنا يخليكى
انا مستنى زيارتك لاسكندرية
وهسمعك كلمات مخصوصة

سلالالالالالالالالالالالالالالالالالالام

دعوة للأمل said...

بوست جميل و روعة و دية اول زيارة و انشاء الله مش هتكون الاخيرة

و كلماتك رقيقة و معبرة و فقك الله

Radwa said...


الله
ايه الحب الجامد دا
بجد فى ناس بتكتب عن الحب تحببك فيه ناس بجد عندها قدره حقيقية على وصف الحب بيتهيألى دى فعلا الناس اللى بتعرف تحب
فى ناس تانيه عامله الحب دا تعجيز للذات وكل الكلام بيكون على الفراق والغدر والحاجات الضايعة دى
المهم احييك على الفكرة وعلى الحب دا ويارب يدوم لك وتكون نهايته حلوة فعلا
....................
سندريلا
احلم بأيه ..... ملكت بيك الدنيا واحلم تانى ليه


شهرزاد said...

بجد جميلة
تسلم ايديك
إحساس جميل
وكلمات خفيفة على السمع
تنفع اغنية

تحياتي لك

حـــــدوتـــــة said...

جروب كلام أغانى على الفيس بوك
هتلاقى فيه الاغانى دى متلحنة
http://www.facebook.com/groups.php?ref=sb#/group.php?gid=33985338648

almasry said...

انا صوتى أخيييييييييييييه وحش قوى ممكن أغنى الكلام ده لكن هيكون جميل لأن الكلام أجمل ما فى الموضوع



تحيـــــــاتى
المصـــــــــرى

كلام وخلاص said...

حدوته ليه مش محترف الاحتراف ما يمنعش صدق الاحساس وده يعتمد زى ما قولتلك على اللى بيقول سواء حقا وحقيقة فى تجربة حب يعنى او حتى ف اغنية بتتسمع
ويا سيدى حتى وانت مش بياع كلام احنا
شاريين برضه
سلام

حـــــدوتـــــة said...

دعوة للأمل

منورة المدونة فى اول زيارة
شكرا على كلامك الجميل

سلالالالالالالالالالالالالالالالالالالالالالالالالالالالالالام

حـــــدوتـــــة said...

sendrlla

شكرا على الكلام الكبير ده
بس الاغنية دى انا كتبتها من فترة كبيرة
ايام ما كنت رايق زمان
يعنى ده مش مودى دلوقت

سلالالالالالالالالالالالالالالالالالالالالالالالام

حـــــدوتـــــة said...

شهرزاد

ربنا يخليكى ومشرفانى ديما

سلالالالالالالالالالالالالالالالالالالالالالالالالالالالام

حـــــدوتـــــة said...

almasry

منور المدونة فى اول زيارة
ويا سيدى انا صوتى اوحش منك
بس بغنى برضو
المهم اللى فى القلب

سلالالالالالالالالالالالالالالالالالالالالالالالالام

حـــــدوتـــــة said...

كلام وخلاص

يا سيتى ربنا يخليكى
وكفايه انك بتزورينى ديما
ده عندى بالدنيا كلها

سلالالالالالالالالالالالالالالالالالالالالالالام

Unknown said...

هغنيهالك علي فكرة وهبعتلك رقمي تكلمني