Friday, November 20, 2009

عــــــتــــــــــــــاب


عاتب عليك يا هوى , من اللى حصل ليا

حبيـبى ليـه يا هوى , تستخســره فيـا

بـعـدتـنـى عنـه , وحـرمـتـنـى منـه

عملـت ايــه علشان يقسى كـده عليـا

****

حبّبته ليه يا هوى فى جرحى واوجاعى

راعيتـه كتـير يا هوى ومعدش بيراعى

فتحتلـه قلبـى , وهــو ده ذنبـى

ويامـا خوفـت عليـه وشلته فى عنيا

عاتب عليك يا هوى , من اللى حصل ليا

****

لو كان نصيبى كده , شغلنى ليه بهواه

وازاى بيعمـل كده , ولسـه بتمناه

مكونتـش استاهـل , يجرحنـى بالساهل

صعبـان عليـا قـوى يعمـل كـده فيا

عاتب عليك يا هوى , من اللى حصل ليا

**

4 comments:

رئـــــيسـة حزب الأحلام said...

اولا كل سنةوانت طيب
بس ليه العتاب كدة
ربنا يسعدك
ويحقق كل احلامك
تحياتى

rovy said...

السلام عليكم
كل سنه و انت طيب اخى الفاضل و سامحنى لتأخيرى لعدم تواجدى الفتره السابقه
العتاب ضرورى بين الاحبه .. لكن لما يكون على الهوى نفسه يمكن بيكون اصعب كثير ..
كلماتك كالعاده سلسه و قريبه من القلب ..و احساسك رقيق و راقى ..

تحياتى لك دوما

Anonymous said...

معلم ايه الشغل العالى اللى انتى عامله ده كله انا جسمى اشعر انا مكنتش عارف ان اخوية حساس اوى للدرجادى عموما انت عارف انى بموت فكلامك مش عشان اخوك يعنى بس الكلام جامد كييييييييييييييييييييك اخوك حسااااااااااااااااااام

Unknown said...

ينفع اغني كلماتك ؟