Friday, June 5, 2009

مش هستنى العمر يضيع


انا لازم انسى اللى فات ومقولش ليه

اما اللى جاى من عمرى هتعود عليه

مش ممكن افضل اسير فى حب مات

ولا ممكن افضل عايش على الذكرايات

زى ما نسيت هقدر انسى زى ما باعت هقدر ابيع

قلبى خلاص لازم يقسى مش هستنى العمر يضيع

................

واتارى كل اللى بينا ده كان وهم فى خيالى

لو كنت صحيح فى جنه مكنش ده يبقى حالى

لا حسيتى بحنينى ولا حسيتى بهوايا

لو كنتى حبتينى كنتى فضلتى معايا

وكنتى مسبتنيش

.....

زى ما نسيت هقدر انسى زى ما باعت هقدر ابيع

قلبى خلاص لازم يقسى مش هستنى العمر يضيع

................

من تانى لا يمكن ارجع ولا هسمع مهما قولتى

حبيبتى معدش ينفع انا اسف مش حبيبتى

لا عتاب ممكن يدارى على قلبك يوم ما بعتى

حبيبتى انا كنت شارى بقولك مش حبيبتى

ايه لسه محستيش

.....

زى ما نسيت هقدر انسى زى ما باعت هقدر ابيع

قلبى خلاص لازم يقسى مش هستنى العمر يضيع

..

5 comments:

ماء تشرين said...

قاسيه اوى الكلمات دى

بس في بين كل حرف صراع كبير

بين عقل عاوز ينسي

وقلب مش قادر ينسي

المهم

مين هينتصر
القلب المغلوب من قسوة الحب
ولا العقل المسلوب بقلة الاراده

تقبل مرورى

☼♫♪ عمــاد الدين يــوسف ☼♫♪ said...

عزيزي حدوته
اولا اسف ان سؤالي قل عن الاول بس اعذرني ياصديقي ظروف
ثانيا : كلامك جميل نابع من جرح عميق وبيجسد حرب محاولة النسيان والحنين للذكريات
وعموما مفيش انسان بيــّــاع ممكن نزعل عليه
تحياتي اخي الكريم

Radwa said...


ياه فى عز انا بكتب عن الارادة فى الحب وعدم التسامح الاقى الناس بتكتب عن التسامح
لما انا كتبت عن التسامح الاقى الناس التانية اتمردت عليه وعلى الحب
بس بجد جميلة اوى
تحياتى
............
لا تعتـ رضوى ـذر

rovy said...

جميله برغم قسوتها ..
ولكن ربما هى واقعيه ايضا فلماذا نضيع عمرنا مع من لا يستحقنا ؟

سلمت يداك و دمت رائعا


تحياتى

عماد خلاف said...

فعلا مش هاسيب العمر ثضيع كلماتك رائعة ومتميزة ارجو التواصل
تحياتى ليك
عندى مدونة اسمها بحلم ببكرة
والتانية خاصة بالقصة القصيرة والاولى بالمقالات