Thursday, June 19, 2008

كــل يـــوم بــيـفــوت


كـل يـوم بيفوت عليــا .... بـلاقـى نـفـسـى بحبها

هى ليه مش حسه بيا .... وانـا اللى قلبى حسها

يوم ما جت عنيها فى عنيا .... كـان مـونايـا اقولها

هى ايـه بالنسبـة ليـا ..... وارمى نفسى فى حضنها

-------------------------------------

بس احساسى منعنى وقلبى انا خايف عليه

لو قالتلى لأ ساعتها كنت ممكن اعمل ايه

--------------------------------------

بشوف عنيها بحـس انى .... قلبى دايب من الغرام

لمـا بتقـربـهـا منى .... بيضيـع منَى الكـلام

ابقى ناوى اقول واغنى .... والقى اخريى يا دوب سلام

اعمل ايه يا رب عينَى .... ملـى فيـا مش بنام

---------------------------------------

ايوة احساسى منعنى وقلبى انا خايف عليه

لو قالتلى لأ ساعتها كنت ممكن اعمل ايه

38 comments:

Anonymous said...

الله عليك يااحلي واجمل احساس قابلته في حياتي

بنت مصريه said...

الله جميله جدا
دى اول زياره ليه
بسش ان شاء الله مش هتكون الاخيره
لانها فعلا مش مدونه دا ابداع وموهبه

Unknown said...

جميل قوي الكلام ده يا عم قول ومتخافش ويا صابت يا خابت بس هتصيب أنا متقائلك
تحيتي ومتنسناش من زياراتك

Rosa said...

حلوه قوي قوي قويييييييييي
بجد احساسها جميـــــل جدااااااااا

رندا said...

طيب اخرتها اية بقى
الكلام دة بجد لازم حد يشوفة
ويلحنة ويغنية كمان
صعب جدا كلمات الاغانى
مش سهلة
وانت بجد مبدع فيها
بقراها بحس بالنغمة فيها وجواها

تسلم ايدك

تقديرى

رندا

ammar said...

تعرف لو قالت لا ساعتها
هاضربها
ايوه هاضربها
كله الا الكرامة ياعم حدوتة
بس تعرف
اول حاجة بتجيب كرامة الراجل الارض الحب
ومع ذلك مفيش فايدة
تحياتى

سارة البحر said...

انت بجد موهوب اوي يا حدوته
ان شاء الله بجد يكون ليك مستقبل تستاهله
بصراحه كل نصوصك روعه وابداع تام
ربنا بحميك ودومت بخير

ماء تشرين said...

وهى مين دى التجرؤ تقول لحدوته لا
وش بيغمز
عموما بجد وكالعاده حاجه جامده
وانا ممكن اغنيهاهو صوتى مش حلو
بس ماشي حالك
بس سيبك احساس عالى اوى عارف ياحدوته احلى حاجه في الدنيا انك تلاقي حد تحبو
وتكتب فيه شعر والاحلى انى اغنى الشعر مع انى عارفه ان صوتى مش حلو
في كده في الدنيا

حـــــدوتـــــة said...

سنيوريتا

طول عمرك بتحرجينى بذوقك

سلالالالالالالالالالالالالالالالالالالالام

حـــــدوتـــــة said...

بنت مصرية

منورة المدونة فى اول زيارة
وشكرا على ذوقك وكلامك الجميل
ويشرفنى انك تزورينى فى اى وقت

سلالالالالالالالالالالالالالالالالام

حـــــدوتـــــة said...

كاتب مصرى

منور يا باشا
يا ريت ابقى متفائل ذيك كده
بس انا فى الحقيقة اساسا متشائم

سلالالالالالالالالالالالالالالالالالالالالالام

حـــــدوتـــــة said...

Rosa

ديما منورانى بزيارتك
شكرا على كلامك الجميل

سلالالالالالالالالالالالالالالالالالالالالالام

حـــــدوتـــــة said...

رندا

خلى بالك انا كده ممكن اتغر
ومحدش هيعرف يكلمنى بعد كده
وبعدين يا استاذة انا كفاية عليا ان انتوا تشوفوا الكلام ويعجبكم
انا مش عايز اكتر من كده

سلالالالالالالالالالالالالالالالالالالالالالالالام

حـــــدوتـــــة said...

ammar

احبك وانت حمش
بس يا رب كل دة ميطلعش فى الاخر فنجرة بق
منور يا باشا

سلالالالالالالالالالالالالالالالالالالالام

حـــــدوتـــــة said...

ساره البحر

منورة المدونة
وشكرا على ذوقك ويا رب متكونيش بتجملينى

سلالالالالالالالالالالالالالالالالالام

حـــــدوتـــــة said...

ماء تشرين

احنا كنا ماشيين كويس
ايه اللى دخل صوتك فى الموضوع
عموما والله العظيم الاغنيه هتنور بيكى
ومش مهم الصوت المهم الاحساس

على فكرة اللى يجرؤ كتير
وانا ذى ما قلت البوست اللى فات
الحكاية اصلها مش بالحنان

سلالالالالالالالالالالالالالالالالالالام

Abo 7anf said...

السلام عليكم
بجد جميله جدا
بس يمان روح قلها
سمعها الكلام دا وادعيلى

شهرزاد said...

إحساس جميل
كلمات عفوية وصادقة
نابعة من قلب جميل وحساس ورومانسي
جميلة بجد
بس ما ينفعش تفضل تتعذب كده
لازم تقلها وخلاص

تحياتي لك

Unknown said...

دى اول مره أزور فيها المدونة

بس إن شاء الله أتابع

مصطفى

Radwa said...

الله عليك
بجد جميله اوى
...............
تحياتى سندريلا

rovy said...

كلماتك جميله قوى و احساسك عالى جدا ..
اتمنى لك التوفيق ان شاء الله

اطيب امنياتى
و

تحياتى

rovy

Hadota ... حدوتة said...

عينى ياعينى
يابختها ياسيدى

-----------

احساس عالى وكلام فى منتهى الجمال

احساس ان الواحد فعلا ممكن يتقله لاء او يتصد بيبقى صعب اوى ومش ممكن الواحد حتى يتخليه
ودا اللى بيخليه يعيش فى دوامة الصمت اللى بتعذبه اكتر

الله يكون فى عون كل العشاق والحبيبة


تحياتى بجد كلماتك رائعة

:))

RaRa said...

كلام جميل اوووووووووووووى
والاكيد انه يتلحن ويتغنى بجد
انا مبسوطة على معرفتى بمدونتك وان شاء الله زيارتى هتتكرر دايما

تحياتى

حـــــدوتـــــة said...

Abo 7anf

يعنى اروح وعلى ضمانتك يا باشا

سلالالالالالالالالالالالالالالام

حـــــدوتـــــة said...

شهرزاد

منورة المدونة ويا رب تكون عجبتك
شكرا على كلامك الجميل
وهعمل بنصيحتك

سلالالالالالالالالالالالالالالالالام

حـــــدوتـــــة said...

egyboy

تنور فى اى وقت يا باشا
هستناك وهزورك قريب

سلالالالالالالالالالالالالالالالالالام

حـــــدوتـــــة said...

sendrlla

منورة المدونة فى اول زيارة
شكرا على ذوقك
وانشاء الله ازورك قريب اوى

سلالالالالالالالالالالالالالالالالالام

حـــــدوتـــــة said...

rovy
منورنا لتانى مرة
ويارب تكون المدونة دى كمان عجبتك

سلالالالالالالالالالالالالالالالالالالام

حـــــدوتـــــة said...

حدوتة

شبيهتى فى العذاب
منورانى وشكرا على كلامك الجميل

سلالالالالالالالالالالالالالالام

حـــــدوتـــــة said...

rara

منورة المدونة فى اول زيارة
شكرا على كلامك ويارب ميكنش مجاملة
على فكرة كل الاغانى اللى فى المدوزنة دى متلحن بس انا بس اللى بغنيه انا واصحابى

سلالالالالالالالالالالالالالالالالالالالام

RaRa said...

منتظرة جديدك قريب

RaRa said...

على فكرة
كلامى والله مش مجاملة ولا حاجة انا بجد حسيت ان كلامك ينفع يتلحن بجد

رندا said...

اجمل حدوتة

حدوتك اية
انت فين
غايب لية
مين
فين
!!!!

مش تغيب
عايزة حاجة جديدة اقراها ليك
كل يوم ادخل
امسى الاقى الدنيا مش فيها حدوتة
انت فيييييييييييييييييييين

كل الود

رندا

حـــــدوتـــــة said...

rara

شكرا على السؤال
وإنشاء الله قريب اوى هنزل بوست جديد

سلالالالالالالالالالالالالالالالام

حـــــدوتـــــة said...

رندا

الف شكر يا استاذة
انتى ديما بتحرجينى بذوقك
انا مبحبش انزل مواضيع كتير عشان محدش يذهق
فتقريبا كل شهر بنزل بوست واحد
بس عشان خطرك هكتب بوست مخصوص

سلالالالالالالالالالالالالالالالالالالالالام

Anonymous said...

كـل يـوم بيفوت عليــا .... بـلاقـى نـفـسـى بحبها

هى ليه مش حسه بيا .... وانـا اللى قلبى حسها

يوم ما جت عنيها فى عنيا .... كـان مـونايـا اقولها

هى ايـه بالنسبـة ليـا ..... وارمى نفسى فى حضنها

اللى يكتب الكلام ده لازم يكون بجد انسان رقيق ربنا يوفقك

Anonymous said...

I was pretty pleased to find this site. I
need to to thank you for ones time just for this wonderful read!
! I definitely liked every part of it and i also have you saved to fav to check
out new things on your web site.

My blog post - colon cleansers walgreens

Anonymous said...

Have you ever thought about including a little bit more than
just your articles? I mean, what you say is fundamental and everything.
However think about if you added some great photos or video clips to give your posts more, "pop"!

Your content is excellent but with pics and video clips, this
website could undeniably be one of the most beneficial in its field.
Fantastic blog!

Also visit my homepage: colon cleanse home remedy